Anti Drug Campaign in Badgam منشیات مخالف مہم کے تحت بڈگام میں بیداری پروگرام

بڈگام پولیس نے ہائر سیکنڈری اسکول خانصاحب میں 'منشیات کی لت سے بچاؤ' کے موضوع پر آگاہی پروگرام کا انعقاد کیا۔ Prevention of Drug Addiction

بڈگام: جموں و کشمیر کے ضلع بڈگام میں پولیس نے 'منشیات کی لت سے بچاؤ' موضوع پر ایک بیداری پروگرام ہائر سیکنڈری اسکول خانصاحب بڈگام میں منعقد کیا۔ اس پروگرام کی میزبانی ہائر سیکنڈری اسکول خانصاحب کی پرنسپل یاسمین قادر پرے اور ڈرگ ڈی ایڈکشن اینڈ اسٹریس مینجمنٹ سینٹر کی انچارج انشا حسن نے کی۔ اس پروگرام میں اسکول کے 8 اسٹاف ممبران اور 100 سے زائد طلبہ نے شرکت کی۔ Awareness Program Against Drug Addiction

اس موقع پر انشا حسن نے نشہ آور اشیاء کی نشاندہی کرنے اور اس کا تدارک کرنے میں اسکول انتظامیہ کے کردار پر روشنی ڈالی۔ جبکہ نشے کی وجہ سے پیدا ہونے والی نفسیاتی بیماریوں اور اس سے سماج میں بڑھتی ہوئی برائیوں کو اجاگر کیا گیا۔ اس کے علاوہ منشیات کی لت میں مبتلا افراد خاص طور پر نوجوانوں کو کن احتیاطی تدابیر پر عمل پیرا ہونا چاہئے ان پر بھی تفصیلی تبادلہ خیال کیا گیا۔

اس پروگرام میں تمام شرکاء نے عہد کیا کہ وہ کبھی بھی کسی قسم کی نشہ آور اشیاء کے استعمال میں ملوث نہیں ہوں گے۔

یہ پروگرام کا انعقاد بڈگام کے ایس ایس پی طاہر سلیم خان کی ہدایت پر کیا گیا تھا اور اس طرح کے پروگرام کے انعقاد کا بنیادی مقصد شرکاء میں نشہ چھوڑنے کے بارے میں بیداری فراہم کرنا ہے نیز ان سے معاشرے میں پھیلی سماجی برائیوں کو ختم کرنے میں تعاون کی کوشش کی گئی ہے۔

اسکول کے پرنسپل نے والدین کے کردار پر روشنی ڈالتے ہوئے کہا کہ 'بچوں کی سماجی نشو و نما میں والدین کی زیادہ ذمہ داری ہوتی ہے کیونکہ وہ اپنے بچے کے پہلے اساتذہ اور رہنما کے طور پر کام کرتے ہیں۔