Anti Drug Rally at Budgam بڈگام میں لوک جن شکتی پارٹی کی جانب سے منشیات مخالف ریلی کا اہتمام

جموں و کشمیر میں نوجوانوں کو منشیات کی لت سے بچانے کے لئے متعدد پیمانے پر کوششیس جاری ہیں، انتظامیہ، سماجی تنظیمیں اور سیاسی پارٹیوں کی جانب سے بیداری مہم چلائی جارہی ہے ۔Lok Jan Shakti Party organised a rally against drug abuse in Kashmir

مرکز کے زیر انتظام خطہ جمو ں وکشمیر کے ضلع بڈگام میں راشٹریہ لوک جن شکتی پارٹی کی جانب سے آج منشیات کے استعمال کے خلاف ایک ریلی نکالی گئی۔ اس ریلی کی قیادت پارٹی کے قومی جنرل سکریٹری اور قومی ترجمان سنجے صراف اور پارٹی کے دیگر لیڈران اور حامیوں نے کی، منشیات مخالف ریلی میں مقامی لوگ اور پولیس بھی شامل تھی۔

منشیات مخالف ریلی گورنمنٹ بوائز ہائر سیکنڈری اسکول بڈگام سے شروع ہوئی اور ڈی سی آفس بڈگام کے باہر اختتام پذیر ہوئی۔مذکورہ ریلی میں شامل افراد نے منشیات کے استعمال کے خلاف اپنی آوازیں بلند کیں۔ ای ٹی وی بھارت سے بات کرتے ہوئے قومی جنرل سیکرٹری اور قومی ترجمان سنجے نے منشیات کے استعمال کے بارے کہا کہ منشیات کے استعمال میں ملوث افراد کے لیے یہ بیداری ریلی ہے ۔

انہوں نے کہا کہ ہم اپنے نوجوانوں سے اپیل کرتے ہیں وہ منشیات کے استعمال سے گریز کریں،تاکہ ایک بہتر معاشرہ تشکیل پاسکے۔ انہوں نے مزید کہا کہ کہ منشیات سے صرف لڑکے ہی نہیں لڑکیاں بھی متاثر ہو رہی ہیں، انہوں نے کہا کہ یہ اولیاءکرام کی سرزمین ہے، انہوں نے کہا کہ ہم نیک کام کرنے کے لیے پیدا ہوئے ہیں، کوئی مذہب ہمیں منشیات کے استعمال کی ترغیب نہیں دیاتا ہے۔
انہوں نے نوجوانوں سے اپیل کی کہ زندگی بہت قیمتی اور خوبصورت ہے اپنی زندگی کو خوش اسلوبی کے ساتھ گزاریں۔