Encounter in Budgam: بڈگام میں رات بھر کے انکاؤنٹر میں لشکر طیبہ کا ایک عسکریت پسند ہلاک

وسطی کشمیر کے تلسرا، چراری شریف میں سیکورٹی فورسز کے ساتھ رات بھر کی کارروائی میں لشکر طیبہ کا ایک عسکریت پسند مارا گیا۔

بڈگام: وسطی کشمیر کے تلسرا، چراری شریف میں سیکورٹی فورسز کے ساتھ رات بھر کی کارروائی میں لشکر طیبہ کا ایک عسکریت پسند مارا گیا۔

ذرائع کے مطابق بڈگام کے تلسرا گاؤں کے باغات میں عسکریت پسند کی موجودگی کی اطلاع ملنے پر پولیس، فوج اور سی آر پی ایف کے اہلکاروں کی ایک ٹیم نے مشترکہ آپریشن شروع کیا تھا۔

سکیورٹی ذرائع کے مطابق جب فورسز کی مشترکہ ٹیم مشتبہ مقام کے قریب پہنچی تو عسکریت پسندوں نے ان پر فائرنگ کی جس کے جواب میں انکاؤنٹر شروع ہوا۔

تصادم میں ایک عسکریت پسند مارا گیا اور جائے وقوع سے آے کے-56 رائفل برآمد کیا گیا ہے۔