وسطی کشمیر کے ضلع بڈگام میں ہفتہ کو ایک سڑک حادثے میں 23سالہ نوجوان کی موت واقع ہو گئی۔
نمائندے کے مطابق ایک ماروتی ویگن اور تیز رفتار ٹپر کے مابین ٹکر کے نتیجے میں ماروتی ڈرائیور شدید زخمی ہو گیا۔ حادثے کے فوراً بعد زخمی نوجوان کو علاج و معالجے کے لیے سب ضلع اسپتال پہنچایا گیا جہاں وہ زخموں کی تاب نہ لاکر فوت ہو گیا۔
فوت ہونے والے نوجوان کی شناخت وارہ سنگم، بڈگام کے رہنے والے 23 سالہ شاہد احمد بٹ ولد بشیر احمد کے طور پر ہوئی ہے۔
اس ضمن میں متعلقہ پولیس اسٹیشن نے معاملہ درج کرکے مزید تحقیقات شروع کر دی ہے۔
قابل غور ہے کہ حادثے کی جگہ سے ایک کلو میٹر کی دوری پر چند روز قبل میرگنڈ علاقے میں بھی میں ایسے ہی ایک حادثے میں تیز رفتار ٹپر نے ایک موٹر سائیکل کو ٹکر ماری جس کے نتیجے وہ فوت ہو گیا تھا۔