بڈگام میں پنجاب سے تعلق رکھنے والے دو منشیات فروش گرفتار

وسطی کشمیر کے ضلع بڈگام میں جموں و کشمیر پولیس نے دو غیر مقامی منشیات فروشوں کو گرفتار کر لیا۔

بڈگام پولیس نے پیر کو دو غیر مقامی منشیات فروشوں کو گرفتار کرکے انکی تحویل سے منشیات برآمد کرنے کا دعویٰ کیا ہے۔

بڈگام پولیس نے ضلع کے شیخ پورہ علاقے میں ناکہ قائم کیا تھا جہاں دو مشکوک افراد کو روک کر انکی تلاشی لی گئی۔ پولیس نے ان کی تحویل سے دو کلوگرام فکی بر آمد کر کرکے دونوں افراد کو گرفتار کر لیا۔

گرفتار کیے گئے منشیات فروشوں کی شناخت لدھیانہ، پنجاب کے سجن کمار اور فیروز پور، پنجاب کے گرجنت سنگھ کے طور پر ہوئی ہے۔

اس ضمن میں پولیس اسٹیشن ہمہامہ میں ایف آئی آر درج کرکے مزید تفتیش شروع کر دی ہے۔

واضح رہے کہ رواں برس بڈگام پولیس نے منشیات سے وابستہ ستر (70) سے زائد افراد کو گرفتار کر لیا ہے۔ پولیس کا کہنا ہے کہ منشیات کے خلاف انکی مہم تب تک جاری رہے گی جب تک ضلع منشیات سے پوری طرح پاک نہیں ہوتا۔