کیمور: نوجوانوں نے ڈی ایم سے نوکری فراہم کرنے کی اپیل کی

ریاست بہار کے کیمور میں نوکری کی تلاش میں در در کی ٹھوکر کھا رہے نوجوانوں نے ڈسٹرکٹ مجسٹریٹ سے ملاقات کر کے نوکری فراہم کرنے کا مطالبہ کیا۔

بیروزگار نوجوانوں کے قفد نے ڈی ایم سے ملاقات کے دوران سرکاری دفاتر میں کمپیوٹر آپریٹرز سے متعلق بحالیوں کی ایک رپورٹ بھیجنے کی مانگ کی تاکہ بیروزگار نوجوانوں کو نوکریاں ملے۔

بڑی تعداد میں مقامی کلکٹریٹ پہنچے نوجوانوں نے بتایا کہ کمپیوٹر آپریٹر عہدہ پر بحالی کے لیے بیلٹران نے امتحان لیا تھا۔ یہ امتحان گزشتہ برس ماہ نومبر میں ہوا تھا لیکن اسامی کم ہونے کی بات کہہ کہا گیا کہ پوری ریاست سے محض دو ہزار اسامیوں پر ہی عہدے کی بحالی کے حکم کی بات کہی گئی۔

نوجوانوں نے بتایا کہ وہ نوکری کے لیے پٹنہ سے بھبھوا کا چکر لگا رہے ہیں لیکن ابھی تک ضلع سے بحالی یا خالی عہدہ کی لسٹ بنا کر نہ بھیجے جانے سے ہم سبھی مایوس ہیں۔