عالمی یوم ذیابیطس پر گیا میں بیداری مہم

ریاست بہار کے ضلع گیا میں عالمی یوم ذیابیطس کے موقع پر بیداری ریلی و جانچ کیمپ کاانعقاد کیا گیا ۔

ریلی کو آج جمعرات کی صبح ڈسٹرک مجسٹریٹ نے ہری جھنڈی دیکھا کرروانہ کیا ۔
گیا میں انڈین میڈیکل ایسوسی ایشن وضلع انتظامیہ کے ذریعہ عالمی یوم ذیابیطس کے موقع پر ایک آگاہی ریلی نکالی گئی۔ ریلی کو ڈی ایم ابھیشیک کمار سنگھ نے ریڈ کراس سوسائٹی سے ہری جھنڈی دیکھا کرروانہ کیا جو ریڈ کراس سے آئی ایم اے ہال تک مختلف راستوں سے ہوتے ہوئے پہنچی ۔
ساتھ ہی ریڈ کراس میں جانچ کیمپ بھی لگا جس میں بلڈ شوگر ، بلڈ پریشر وغیرہ کی جانچ ڈاکٹرز کے ذریعے کی گئی ۔خود ڈی ایم ابھشیک سنگھ اور دوسرے افسران نے جانچ کرایا ۔ ریلی میں گیا کے ڈاکٹرز کے علاوہ شہر کے عام افراد بھی شریک ہوئے ۔

ڈی ایم ابھشیک سنگھ نے کہاکہ ذیا بیطس جیسے مرض پر کنٹرول اور اس سے بچنے کے لیے متوازن غذا اور جسمانی ورزش کی ضروری ہے ۔موجودہ طرز زندگی اور آج کے کھان پان اس طرح کی بیماریوں کوپیدا کرتی ہیں ۔ہری سبزیاں اور پھلوں کااستعمال ہونا چاہیے اورساتھ ہی صحت مندرہنے کے لیے روزانہ کے معمول میں بدلاوضروری ہے ۔روزانہ کم ازکم چالیس منٹ چلنااور ورزش کرنا، سائکلنگ وغیرہ معمول میں شامل ہونا چاہیے ۔ تناو سے بچنے کے لیے یوگ بھی ضروری ہے۔ اس طرح سے اگرکریں گے تو ذیابیطس مرض پر کنٹرول پایاجاسکتا، اگلے ایک ہفتے تک بیداری مہم چلائی جائیگی اور جانچ کیمپ میں جانچ کیا جائے گا۔