عورتیں جب گھر سے باہر نکلتی ہیں تو انقلاب آتا ہے

ریاست بہار کے دارالحکومت پٹنہ میں این آر سی، این پی آر اور سی اے اے کے خلاف غیر معینہ مدت مظاہرہ اور احتجاج کا سلسلہ گزشتہ چار دنوں سے جاری ہے ۔ شدید سردی کے باوجود اس مظاہرے میں طلباء سماجی کارکن خواتین اور بزرگوں کے حوصلے بلند ہیں۔

ترنگے کی آن بان شان اور بقا کے لئے ملک کی عورتوں نے ذمہ داری سنبھال لی ہے ۔پٹنہ کے سبزی باغ میں شاہین باغ سا نظارہ گزشتہ چار دنوں سے نظر آ رہا ہے۔
اس علاقے کی بیشتر عورتیں شام ہوتے ہی سبزی باغ کے مصروف ترین بازار والے علاقہ میں سڑک پر احتجاج کے لیے جمع ہو جاتی ہیں اور دیر رات تک یہ مظاہرہ چلتا رہتا ہے۔
پٹنہ یونیورسٹی کے طلباء یونین اور مقامی لوگوں کے اشتراک سے یہ مظاہرہ کیا جا رہا ہے۔
سبزی باغ کسی تعارف کا محتاج نہیں ہے یہاں کے لوگ مظاہرے میں شامل خواتین بچے اور بزرگوں کا پورا خیال رکھ رہے ہیں۔
اس مظاہرے میں شامل کئی عورتوں نے کہا کہ اب پانی سر سے اوپر جا چکا ہے ان کے دلوں سے موت کا خوف نکل چکا ہے عورتیں جب گھر سے باہر نکلتی ہے تو انقلاب آتا ہے۔