ریاست بہار کے ضلع کیمور کے بھبھوا تھانہ علاقے کے پلکا گاٶں میں اس وقت سنسنی پھیل گٸی جب پلکا کے رہنے والے نندا مالی کی اہلیہ نے دیر رات خودکشی کرلی۔
بہار میں خاتون کی پھانسی لگاکر خودکشی واضح رہے کہ نندا مالی گاٶں کے باہر مہاویر مندر سے ہری کرتن سننے گئے تھے، اسی دوران نندا کی بیوی نے گھر پنکھے سے پھندہ لگاکر خودکشی کرلی۔
اور نندا جب مندر ہری کرتن سن کر لوٹا تو اس کی اہلیہ کی پنکھے سے لٹکی حالت میں لاش ملی۔
صبح جب اس واقعے کی اطلاع بھبھوا تھانہ کو دی گئی تو موقع پر پہنچی پولس نے لاش کو اپنے قبضہ میں لے کر بھبھوا صدر ہسپتال میں پوسٹ مارٹم کے لیے بھیج دیا۔
پولیس نے اس معاملے میں کیس درج کرکے آگے کی تحقیقات شروع کردی ہے۔
وہیں اس معاملہ میں نندا مالی کے سسر اکچھے بھگت نے شادی کرانے والے کو اور لڑکی کے ساس، سسر اور شوہر پر شادی میں دہیز کی شکل میں موٹرساٸکل نہیں دینے پر قتل کیے جانے کا الزام لگاتے ہوئے ایف آٸی آر درج کراٸی ہے۔
