ریاست اتر پردیش کے بارہ بنکی پولیس نے ایک ایسی خاتون کو گرفتار کیا ہے، جو لوگوں کو سیاسی رہنماؤں کا رسوخ دکھا کر ٹھگی کا کامکرتی تھی۔ یہ خاتون اب تک دو درجن سے زیادہ لوگوں کو گمراہ کر کے ٹھگی کی واردات کو انجام دے چکی ہے۔ خاتون قبل میں بھی متعدد بار انہیں معاملات میں جیل جا چکی ہے۔
اس معاملے پر پولیس سپریٹینڈنٹ یمونا پرساد نے بتایا کہ شہر کوتوالی حلقے سے منجو دیکشت نام کی خاتون کو گرفتار کیا گیا ہے۔ یہ خاتون آواس وکاس محلے کی رہنے والی ہے۔ یہ سیاسی لوگوں اور وزرا کا رسوخ دکھا کر لوگوں کو ملازمت دلانے اور حکومتی کام کرانے کے نام پر گمراہ کرکے لاکھوں روپیہ ٹھگ چکی ہے۔
انہوں نے بتایا کہ ایک ملزمہ کے خلاف متعدد افراد نے شکایت کی تھی۔ انہیں معاملات کی تحقیقات کے بعد اسے گرفتار کیا گیا ہے۔ انہوں نے بتایا کہ ملزمہ سنہ 2011 میں بھی دھوکہ دہی اور ٹھگی کے معاملے میں جیل جا چکی ہے۔