Wheelchair Distributed مخصوص افراد کے درمیان وہیل چیئرز تقسیم

گیا ریڈ کراس سوسائٹی نے 25 افراد کے درمیان وہیل چیئر تقسیم کیا ہے۔ آگے بھی خاص لوگوں کے درمیان اسی طرح سے تعاون کرنے کی یقین دہانی کرائی گئی۔ ڈسٹرکٹ مجسٹریٹ نے کہاکہ مخصوص افراد کی خدمت کرنا قابل تعریف ہے۔

گیا:ریاست بہار کے گیا ضلع میں 25 مخصوص افراد کے درمیان وہیل چیئرز تقسیم کی گئیں۔ ڈسٹرکٹ مجسٹریٹ ڈاکٹر تیاگ راجن ایس ایم نے ریڈ کراس سوسائٹی کے تعاون سے مخصوص افراد میں وہیل چیئر تقسیم کیا ہے ۔ آج کل 25 مخصوص افراد میں وہیل چیئرز تقسیم کی گئیں۔جبکہ کل بھی 25 مخصوص افراد کو وہیل چیئر دیا جائے گا ۔ تقریب ریڈ کراس سوسائٹی کی جانب سے انجام پائی۔

اس پروگرام میں ضلع مجسٹریٹ ڈاکٹر تیاگ راجن ایس ایم نے بتایا کہ ریڈ کراس کے ذریعہ مخصوص افردا میں وہیل چیئر تقسیم کرنے کا پروگرام منعقد کیا گیا تھا۔ مستقبل میں بھی ایسے پروگرام مزید منعقد کرنے کی منصوبہ بندی کی جا رہی ہے تاکہ زیادہ سے زیادہ لوگ اس سے مستفید ہو سکیں۔

ڈی ایم نے اپنے ہاتھوں سے مخصوص افراد کو وہیل چیئر پر بٹھایا اور ان کی خیریت دریافت کی۔ اس موقع پر موجود افراد نے بھی ضلع مجسٹریٹ کا تہہ دل سے شکریہ ادا کیا۔

میڈیا کے نمائندوں سے بات کرتے ہوئے ضلع مجسٹریٹ نے کہا کہ ریڈ کراس کی تزئین کاری عمارت کا بھی افتتاح کیا گیا ہے ۔ اس جگہ کو پترپکش میلے کے دوران رہائش کے طور پربھی استعمال کیا جائے گا۔ یہ ایک قابل تحسین اقدام ہے کہ ،آج 25 افراد کو وہیل چیئر فراہم کی گئیں۔

انہوں نے بتایاکہ آگے بھی منصوبہ ہے کہ ویسے خاص لوگ جنہوں نے حادثات یا کسی اور وجہ سے پاوں ہاتھ سے معذور ہوچکے ہیں انہیں مصنوعی ہاتھ پاوں لگوائے جائیں گے تاکہ انہیں بھی روزمرہ کی زندگی گزارنے میں کوئی پریشانی کا معاملہ درپیش نہیں ہو اور وہ بھی اچھی زندگی گزار سکیں ، خود وہ اپنے ہاتھ پاوں سے کام کریں۔