گنگا ندی کی آبی سطح میں لگاتار آرہی کمی تشویش کا باعث

دریائے گنگا شمالی بھارت اور بنگلہ دیش کا ایک اہم دریا ہے اور کئی اہم شہروں کی طرح بھاگلپور شہر بھی گنگا کنارے بسا ہے لیکن بھاگلپور شہر سے نکلنے والا سارا گندہ پانی گنگا میں جا گرتا ہے، جس کی وجہ سے گنگا کا پانی انتہائی آلودہ ہو گیا ہے۔ اتنا ہی نہیں گنگا میں بھرتے جا رہے گاد کی وجہ سے اس کی گہرائی تشویشناک حد تک کم ہوتی جا رہی ہے۔

لوگ گنگا کو تقدیس کی نگاہ سے دیکھا جاتا ہے، لیکن گنگا ندی میں روز بہ روز گندگی پھیل رہی ہے۔ جس کی وجہ سے اس مقدس ندی کے کنارے گندگی کا انبار نظر آتا ہے۔ حالانکہ حکومت کا دعوی ہے کہ نمائے گنگا اسکیم کے تحت گنگا کی صاف صفائی کی جا رہی ہے لیکن بظاہر اس کا اثر گنگا پر نظر نہیں آتا ہے۔

بھاگلپور میں گنگا کے گھاٹوں کا یہ منظر ایسے وقت کا ہے جب چھٹ پوجا کو لے کر صاف کیا جا رہا ہے ورنہ، کالی پوجا ہو، درگا پوجا یا پھر اس طرح کا کوئی موقع گنگا کنارے گندگی کا انبار لگا رہتا ہے۔ گنگا کے پانی کی سطح میں کمی کے باعث شہر کے پانی کا لیول بھی نیچے جا رہا ہے اور لوگ خدشہ جتا رہے ہیں کہ اس طرف اگر توجہ نہ دی گئی تو آنے والے دنوں میں پانی کی سطح میں مزید کمی آجائے گی۔

یہ حقیقت ہے کہ دریائےگنگا ہندو مذہب میں اہم حیثیت رکھتا ہے اور مقدس سمجھتے ہوئے اس کی پوجا کی جاتی ہے۔ دریائےگنگا کی کل لمبائی 2 ہزار 510 کلومیٹر (1 ہزار 557 میل) ہے۔ یہ دریائےجمنا کے ساتھ مل کر ایک عظیم اور زرخیز خطہ تشکیل دیتا ہے جو شمالی بھارت اور بنگلہ دیش پر مشتمل ہے۔

دونوں ندی کے کنارے آبادی کی کثافت دنیا میں سب سے زیادہ ہے اور روئے زمین پر موجود ہر 12 واں شخص یعنی دنیا کی کل آبادی کا 8.5 فیصد اس جگہ رہتا ہے۔ بے پناہ آبادی، آلودگی اور ماحولیات کی تباہی دریا کے لیے ایک تشویشناک صورت حال ہے۔