بھاگلپور کے ووٹرز کو امیدواروں سے کیا امید؟

بھاگلپور میں جمعہ کے روز ہوئی اسدالدین اویسی کی انتخابی ریلی میں بھاری تعداد میں لوگ سننے آئے۔ اویسی نے یہاں پر راشٹریہ لوک سمتا پارٹی کے امیدوار کی حمایت میں ریلی کی۔

بھاگلپور شہر اسمبلی حلقہ پر لگاتار 20 سال تک بی جے پی کا قبضہ رہا۔ اس کے بعد گزشتہ دو انتخابات میں کانگریس کے اجیت شرما جیت حاصل کرتے رہے ہیں اور اس بار بھی کانگریس نے اجیت شرما پر ہی بھروسہ جتایا ہے، لیکن تقریباً 30 فیصد مسلمان ووٹرز ہیں۔

یہاں سے گرانڈ ڈیموکریٹک سیکولر فرنٹ کی جانب سے آر ایل ایس پی نے سید علی شاہ سجاد کو اپنا امیدوار بنایا ہے۔ کانگریس کے سابق ضلع صدر رہ چکے ہیں سید علی شاہ سجاد۔

اسدالدین اویسی نے انہیں کی حمایت میں جمعہ کو ریلی کی، جس میں بڑی تعداد میں شامل ہوئے۔

اس دوران وہاں موجود لوگوں سے ای ٹی وی بھارت کے نمائندے نے بات کی اور ان سے جاننے کی کوشش کی کہ کن مدوں پر اور کس طرح کا نمائندہ چاہتے ہیں۔

غورطلب ہے کہ بھاگلپور شہر اسمبلی حلقہ کا دوسرے مرحلے میں تین اکتوبر کو ووٹنگ ہے۔