ارریہ: ووٹر بیداری کے تحت دستخط مہم کا آغاز

ضلع کلکٹر نے اس موقع پر عوام کو بیدار کرنے کے لیے ایک رتھ کو ہری جھنڈی دکھا کر روانہ کیا۔ الیکشن کمیشن نے 4 اکتوبر تک ووٹرز کے درمیان بیداری مہم چلانے کی ہدایت جاری کی ہے۔

ریاست بہار کے ارریہ میں صد فیصد پولنگ کرانے کو لے کر ضلع کلکٹر و الیکشن آفیسر پرشانت کمار نے آج ضلع کلکٹریٹ احاطہ میں دستخط مہم کا آغاز کیا، اس موقع پر ضلع کلکٹریٹ احاطہ میں انتخاب کے تئیں 'پوچھ تاچھ' دفتر کا بھی افتتاح کیا گیا۔

اس دفتر میں انتخابات سے جڑی تمام جانکاری حاصل کی جا سکتی ہے، نیز یہاں ایک علامتی وی وی اے پیٹ مشین بھی لگایا گیا ہے جس میں ووٹرز کو ووٹ کرنے کے طریقے سے آگاہ کیا جائے گا کہ کس طرح ووٹ کرنا ہے۔
ضلع کلکٹر نے اس موقع پر عوام کو بیدار کرنے کے لیے ایک رتھ کو ہری جھنڈی دکھا کر روانہ کیا۔ الیکشن کمیشن نے 4 اکتوبر تک ووٹرز کے درمیان بیداری مہم چلانے کی ہدایت جاری کی ہے۔

اس موقع پر ضلع کلکٹر پرشانت کمار نے بتایا کہ 'یہاں کہ سبھی چھ اسمبلی حلقوں میں ووٹر بیداری کے لئے تشہیر کی جائے گی۔ اس کے لئے خاص طور سے ان علاقوں کو نشان زد کیا گیا ہے جہاں ووٹنگ فیصد کم رہتی ہے۔ رتھ کے توسط سے ان ووٹر کو مقررہ 7 نومبر کو ووٹنگ کے لئے بیدار کرنے کے ساتھ ساتھ پولنگ مراکز کی جانکاری دی جائے گی۔

ضلع کلکٹر نے کہا کہ 'اس بار کے انتخابات میں کووڈ کے پیش نظر بہت ہی احتیاط برتا جا رہا ہے۔ رائے دہندگان کے لیے تھرمل اسکریننگ سے لے کر سینٹائزریشن اور گلبس دستیاب کرائے جانے والی سہولیات بھی شامل ہے، جسے لوگوں کو بتانے کی ہدایت دی گئی ہے۔