'ووٹ دینا ہر شہری کا جمہوری حق'

ریاست بہار کے ضلع گیا کے گاندھی میدان میں ووٹنگ کے تئیں خواتین کے درمیان بیداری مہم کا انعقاد کیا گیا۔

بھارتی ریاست بہار کے گیا ضلع کی انتظامیہ نے عام انتخابات کے لئے کمر کس لی ہے،عام انتخابات میں ووٹنگ فیصد بڑھانے کے لئے گاندھی میدان میں خواتین کے لئے بیداری مہم کا انعقاد کیا گیا۔

اس موقع پر خواتین سے خطاب کرتے ہوئے ڈی پی ار او نریندر کمار نے ووٹنگ کی اہمیت کا ذکر کیا ساتھ ہی انہوں نے عام انتخابات میں ووٹرز کو ملنے والی سہولیات کا بھی ذکر کیا۔
انہوں نے کہا کہ ووٹ دینے کا ہر ایک شہری کا جمہوری حق ہے۔

اس مہم میں شریک خواتین نے ای وی ایم کے ذریعے ووٹنگ اور پھر وی وی پیٹ پر اپنے ووٹ کے متعلق جانکاری لینے کے طریقہ بھی معلوم کیا، اس مہم میں ہزاروں کی تعداد میں خواتین نے شرکت کی۔