جمہوریت کے تحفظ کے لیے ووٹ کرنے کی اپیل

عام انتخابات کے ساتویں اور آخری مرحلے کے لیے انتخابی مہم کا شور اب تھم گیا ہے۔ مختلف پارٹیوں نے آخری روز پُرزور طریقے سے مہم چلائی۔

آر جے ڈی کے راجیہ سبھا کے رکن اشفاق کریم نے پاٹلی پتر پارلیمانی حلقے میں انتخابی مہم کے دوران لوگوں سے جمہوریت اور ملک کے دستور کو بچانے کی اپیل کی۔

اس دوران انہوں نے پٹنہ کے پھلواری شریف میں واقع کربلا محلے کی جامع مسجد میں مقامی مسلمانوں سے ملاقات کی۔

انہوں نے مقامی لوگوں سے جمہوریت اور آئین کے تحفظ کے لیے آر جے ڈی کی امیدوار میسا بھارتی کے حق میں ووٹ ڈالنے کی اپیل کی۔

پاٹلی پتر پارلیمانی حلقے میں عام انتخابات کے آخری مرحلے میں 19 مئی کو ووٹنگ ہوگی اور 23 مئی کو نتائج کا اعلان ہوگا۔