دربھنگہ:بہار کے دربھنگہ میں ایک شخص پر چوری کا الزام لگاتے ہوئے کچھ لوگوں نے اس کے ہاتھ پاؤں باندھ اس کی پٹائی کی۔ متاثر شخص دربھنگہ ضلع کے کیوٹی تھانہ علاقہ کے راجورا گاؤں کا رہنے والا بتایا جا رہا ہے۔ اس کا نام رام پرکاش پاسوان ہے۔ رام پرکاش پاسوان کو تشویشناک حالت میں ڈی ایم سی ایچ میں داخل کرایا گیا ہے۔ یہ واقعہ 16 اگست کو مدھوبنی ضلع کے راہیکا تھانہ علاقے کے ہجرا گاؤں میں پیش آیا۔Viral Video Of Man Beating in Darbhanga
وہیں رام پرکاش کی پٹائی کا ویڈیو سوشل میڈیا پر تیزی سے وائرل ہو رہا ہے۔ ملزمان نے یہ ویڈیو وائرل کر دیا ہے۔ بتایا جا رہا ہے کہ یہ واقعہ اس وقت پیش آیا، جب رام پرکاش رات کو اپنی خالہ کے گاؤں سے گھر لوٹ رہے تھے۔ یہ معاملہ اس وقت میڈیا کے سامنے آیا جب بجرنگ دل کے کارکنان متاثر شخص کے گاؤں پہنچے اور صورتحال کی جانکاری لی۔ اس کے بعد دربھنگہ پولیس بھی حرکت میں آگئی۔ زخمی کا بیان ریکارڈ کر کے مدھوبنی کے راہیکا تھانے بھیج دیا گیا ہے۔Viral Video Of Man Beating in Darbhanga