ضلع گیا کے گروا تھانہ حدود میں واقع کلونا پہاڑ سے آج ایک نوجوان کی لاش برآمد ہوئی ہے۔ نوجوان کا قتل اس طریقے سے کیا گیا ہے کہ اس کی پہچان نہیں ہوسکے۔
بتایا جارہا ہے کہ واردات کی خبر پولیس اور مقامی لوگوں کے درمیان اس وقت پہنچی جب کچھ لوگ پہاڑ پر تفریح کے لیے چڑھے تھے۔ پہاڑ کے اوپر انہیں ایک لاش نظر آئی، جس کے بعد انہوں نے اسکی اطلاع گاؤں کے بڑے لوگوں کو دی اور اسکے بعد اس کی خبر پولیس تک پہنچی۔
اطلاع کے مطابق دیر شام کو پولیس نے پہاڑ سے لاش کو پہاڑ سے اتار لیا ہے اور آگے کی کارروائی میں پولیس مصروف ہے۔ لاش کو انوگرہ نارائن ہسپتال میں پوسٹ مارٹم کے لئے بھیجا ہے۔
ادھرلاش ملنے کے بعد علاقے میں سراسیمگی پھیل گئی ہے، چونکہ گروا کا علاقہ نکسل متاثر علاقہ ہے اور یہاں لوگوں کو کئی طرح کے ڈر کا سامنا ہے۔ جس حالت میں لاش ملی ہے اس کے متعلق کہا جارہا ہے کہ شاید کہ دو تین دن قبل ہی قتل کیا گیا ہو۔
مزید پڑھیں:راجستھان میں گولی مار کر نوجوان کا قتل، انٹرنیٹ خدمات بند
مقامی لوگ کچھ بولنے سے ڈر رہے ہیں تاہم آنکھ نکالنے اور پیٹ چیرے جانے کو تشویشناک بتاتے ہوئے یہ ضرور کہہ رہے ہیں کہ کہیں آنکھیں اور دیگر اعضاء کی غیر قانونی دھندے تو اس علاقے میں نہیں چل رہے ہیں حالانکہ زیادہ تر لوگ اس تشویش ناک بات سے اتفاق نہیں رکھتے ہیں۔ پولیس نے بھی اس بات سے انکار کیا ہے اور کہا ہے قتل کی وجہ اور قاتلوں کا پولیس انکشاف کرنے میں کامیابی حاصل کرے گی۔ تمام پہلوؤں پر تحقیق کی جائے گی اور جلد پردہ فاش ہوگا۔
