اسمرتی ایرانی کورونا سے متاثر

مرکزی وزیر سمرتی ایرانی بھی کورونا وائرس کی شکار ہوگئیں۔ انہوں نے آج ایک ٹوئٹ کرکے کورونا ٹسٹ مثبت آنے کی اطلاع دی۔ بہار انتخابات میں بی جے پی کی ایک اور اسٹار کیمپینر کورونا سے متاثر ہوئیں۔ ان سے قبل مہاراشٹر کے سابق وزیراعلی دیویندر فڑنویس، نائب وزیراعلی سشیل مودی، شہنواز حسین بھی کورونا سے متاثر ہوئے تھے۔

اسمرتی ایرانی نے ٹوئٹ کرکے کورونا وائرس سے متاثر ہونے کی اطلاع دی اور ان کے رابطہ میں آئے لوگوں کو بھی ٹسٹ کروانے کا مشورہ دیا۔ انہوں نے ٹوئٹ کیا کہ ’میں یہ کہنا چاہتی ہوں کہ میرا کووڈ۔19 ٹسٹ مثبت پایا گیا اور میں ان لوگوں سے جلدازجلد کورونا ٹسٹ کرانے کی درخواست کرتی ہوں جو میرے رابطہ میں آئے تھے۔

بہار انتخابات میں بی جے پی کی ایک اور اسٹار کیمپینر سمرتی ایرانی کورونا سے متاثر

اسمرتی ایرانی بہار انتخابات کے دوران بی جے پی کےلیے مہم چلا رہی تھیں۔ انہوں نے متعدد انتخابی جلسوں سے خطاب کیا اور انتخابی مہم میں زور و شور سے حصہ لیا تھا۔

قبل ازیں بھارتیہ جنتا پارٹی کے سینئر رہنما سشیل کمار مودی بھی کورونا سے متاثر ہوئے تھے جبکہ ان کا پٹنہ کے ایمس میں علاج کیا جارہا ہے۔ سشیل مودی نے بھی ٹوئٹ کرکے اس بات کی اطلاع دی تھی۔

سمرتی ایرانی بہار اسمبلی انتخابات میں بھارتیہ جنتا پارٹی کی اسٹار کیمپینر ہیں جنہوں نے متعدد انتخابی جلسوں سے خطاب کرتے ہوئے اپوزیشن کو سخت تنقید کا نشانہ بنایا تھا۔