ریاست بہار کے ضلع کیمور کے درگاٶتی تھانہ علاقہ میں کچھ نامعلوم جراٸم پیشوں نے گھر میں سوئے ایک شخص کی قتل کرکے لاش لاش کو غاٸب کر دیا۔ معاملے کے بعد سے علاقے میں سنسنی کا ماحول ہے۔
اطلاعات کے مطابق کڑاری موضع رہائشی 38 سالہ پردیپ کمار رات میں اپنے نئے مکان میں سو رہا تھا اور گھر کے دیگر سبھی ممبران پرانے مکان میں سوئے تھے۔
صبح میں جب پردیپ کی اہلیہ اسے جگانے گٸ تو گھر سے پردیپ غائب تھا۔ اور بستر سے لے کر زمین تک چارو طرف خون پھیلا ہوا تھا۔ واقعے کو دیکھ کر بیوی کو معاملہ سمجھتے دیر نہیں لگی۔ اور موقع پہ وہ دہاڑ مار کر رونے لگی۔
معاملے کی جانکاری ملنے کے بعد موقع پر پہنچے مقامی لوگوں نے پولیس کو اطلاع دی جس کے بعد پولیس نے معاملے کی تحقیقات کرتے ہوئے مشکوک جگہوں پر چھاپے ماری شروع کردی ہے حالانکہ پولیس کو اب تک لاش کی برآمدگی نہیں ہوسکی ہے۔
