کیمور میں بہار۔اترپردیش سرحد کے قریب چیکنگ کے دوران پولیس کو بڑی کامیابی حاصل ہوئی۔ اس دوران پویس نے غیرقانونی شراب اور اسلحہ کی اسمگلنگ کرنے والے دو افراد کو گرفتار کرلیا۔
کیمور میں دو اسمگلرز گرفتار، بڑی مقدار میں اسلحہ و غیرقانونی شراب ضبط
اطلاعات کے مطابق گرفتار اسمگلرز کی شناخت موہنیاں پولیس حدود میں واقع گاؤں اکوڈی کے رہنے والے منوج پانڈے ولد ستیا نارائن پانڈے اور اواری کے رہنے والے کشن یادو ولد رام بچن سنگھ یادو کے طور پر کی گئی۔
یہ دونوں بدمعاش موٹرسائیکل نمبر UP 65 AE-6527 کے ذریعہ غیرقانونی طور پر شراب اسمگلنگ کرنے اترپردیش سے بہار آرہے تھے کہ درگا وتی پولیس نے اترپردیش۔بہار سرحد پر محمود گنج علاقہ کے قریب دونوں کو دبوچ لیا جبکہ یہاں پولیس کی جانب سے بڑے پیمانہ پر چیکنگ کی جارہی تھی۔