شراب نوشی کے الزام میں دو پولیس اہلکار گرفتار

ریاست بہار میں مغربی چمپارن ضلع کے بگہا نگر تھانہ میں شراب پینے کے الزام میں دو پولیس اہلکاروں کو گرفتار کر کے جیل بھیج دیا گیا ہے۔

بگہانگر تھانہ کے سب ڈویژنل پولیس افسر (ایس ڈی پی او) سنجیو کمار نے بتایا کہ اطلاع کی بنیاد پر بگہا نگر تھانہ کے پٹکھولی اوپی انچارج دھرم ویر بھارتی، بٹیشور استھان پہنچے جہاں دو پولیس اہلکار شراب نوشی کرتے ہوئے رنگے ہاتھ پکڑے گئے۔

انہوں نے بتایا کہ پکڑے گئے پولیس اہلکاروں میں اوپندر رائے پولیس لائن میں تعینات ہیں جبکہ دوسرا پولیس اہلکار گنیش سنگھ بگہا عدالت میں تعینات ہے۔

مسٹر کمار نے بتایا کہ شراب کے نشے میں گرفتار پولیس اہلکاروں کو مقامی پرائمری ہیلتھ مرکز لایا گیا جہاں ان کی میڈیکل ٹسٹ کرائی گئی۔ ٹسٹ میں شراب پینے کی تصدیق ہونے کے بعد پولیس اہلکاروں کو عدالتی حراست میں بیتیا جیل بھیج دیا گیا ہے۔