گیا: جوس دکان پر فائرنگ میں لڑکی سمیت دو افراد زخمی

گیا کے بنیاد گنج تھانہ حدود میں واقع ایک جوس کی دکان پر اندھا دھند فائرنگ کردی۔ مقامی تھانہ کی پولیس نے موقع پر پہنچ کر حالات کا جائزہ لیا ہے اور کاروائی میں مصروف ہے تھانہ انچارج اوپیندر کمار سنگھ کا کہنا ہے کہ معاملے کی تفتیش شروع کردی گئی ہے

بہار کے ضلع گیا میں 12 بائک پر سوار 15 بدمعاشوں نے بنیاد گنج تھانہ حدود میں واقع ایک جوس کی دکان پر اندھا دھند فائرنگ کر کے علاقے میں سراسیمگی پھیلا دی ہے۔ بدمعاشوں نے اس دوران دو بم بھی پھینکا جس میں ایک بم بلاسٹ کر گیا وہیں دوسرا بم بلاسٹ نہیں کرسکا۔ اس واردات میں دو افراد زخمی ہوئے ہیں جس میں ایک لڑکی بھی شامل ہے۔

واردات گیا کے بنیاد گنج تھانہ حدود میں واقع ایک جوس کی دکان پر پیش آیا ہے۔ مقامی تھانہ کی پولیس نے موقع پر پہنچ کر حالات کا جائزہ لیا ہے اور کاروائی میں مصروف ہے تھانہ انچارج اوپیندر کمار سنگھ کا کہنا ہے کہ معاملے کی تفتیش شروع کردی گئی ہے۔ واردات کی وجہ اور بدمعاشوں کی شناخت کی جارہی ہے۔ اطلاع کے مطابق جمعرات کی شام کو بنیاد گنج تھانہ حدود میں واقع وجے جوس دکان پر 12 بائک سے قریب پندرہ بدمعاش پہنچے تھے۔

اطلاع کے مطابق دکاندار کا کورٹ میں زمینی تنازع کو لیکر مقدمہ چل رہا ہے، جس کے سبب یہ معاملہ پیش آیا ہے۔ واردات میں سنتوش اور روبی کو پیر میں گولی لگی ہے، دونوں کو ہسپتال میں داخل کرایا گیا ہے جبکہ بم بلاسٹ ہونے کی وجہ سے دکان کو کافی نقصان پہنچا ہے۔