کھگڑیا میں دو بدمعاش گرفتار

ریاست بہار کے ضلع کھگڑیا کے دیارا علاقہ کے پچاس ہزار روپے کا انعامی منوج یادو سمیت دو بدمعاشوں کو پولیس نے گرفتار کر لیا ہے۔

پولیس سپرنٹنڈنٹ مینو کماری نے یہاں بتایا کہ اطلاع کی بنیاد پر اسپیشل ٹاسک فورس ( ایس ٹی ایف ) اور خصوصی جانچ ٹیم ( ایس آئی ٹی ) نے مدھے پورا پولیس کی مدد سے مدھے پورا ضلع کے رام نگر گاﺅں سے پچاس ہزار روپے کا انعامی منوج یادو اور چھ سے زائد قتل کا ملزم اس کا معاون منکو یادو کو گرفتار کرلیا۔

انہوں نے بتایا کہ ایک ہفتہ قبل پولیس نے ضلع کے مندھار پنچایت کے ٹیکہ رام پور گنگا دیارا سے منوج کے ذریعہ چھپائے گئے دو رائفل کو ایک گڈھے سے برآمد کیا گیا تھا۔

مسز مینو نے بتایا کہ منوج یادو نے گذشتہ 8 فروری کو مانسی تھانہ علاقہ کے ٹھاٹھا پنچایت کے سابق مکھیا برج نندن یادو اور اس ماہ 17 مارچ کو سابق سرپنچ کے والد آمود یادو اور ان کے بھائی رنکو کا قتل کر دیا تھا۔

انہوں نے بتایا کہ دیارا علاقہ سے برآمد اسلحوں سے ہی بدمعاش نے تینوں کا قتل کیا تھا۔ پولیس دونوں سے سخت تفتیش کر رہی ہے۔