کیمور میں دو کسانوں کا بے رحمی سے قتل

کیمور میں گزشتہ رات کھیت کی رکھوالی کرنے گئے دو کسانوں کو جرائم پیشہ افراد نے بے رحمی سے قتل کر دیا، جس سے علاقے میں دہشت کا ماحول ہے۔

ریاست بہار کے کیمور ضلع میں لاک ڈاٶن کے درمیان گزشتہ رات کھیت کی رکھوالی کرنے گئے دو کسانوں کو جرائم پیشہ افراد نے بے رحمی سے قتل کر دیا، جس سے علاقے میں دہشت کا ماحول ہے۔

ذرائع کے مطابق کیمور ضلع میں لاؤ تھانہ کے تراؤں موضع میں گزشتہ رات سبزی کی کھیت کی رکھوالی کرنے گئے باپ بیٹے کا بے رحمی سے قتل کر دیا گیا، جس کے بعد بہوجن سماج پارٹی کے رہنما اوم پرکاش پانڈے نے کہا کہ کیمور میں ہی نہیں پورے ریاست میں جرائم پر قابو پانے میں حکومت ناکام ہے، جس لالو رابڑی کے حکومت میں موجودہ وزیراعلی جنگل راج کہا کرتے تھے آج ان ہی کی حکومت میں جنگل راج پھر سے لوٹ آیا ہے ۔

وہیں سماجی کارکن وکاس عرف للو پٹیل نے قتل سے متعلق اپنے رد عمل میں کہا کہ تراٶں کا یہ معاملہ حکومت پر بد نما داغ ہے، اس کی جتنی بھی نندا کی جاۓ کم ہے۔

دوسری جانب راجد کے ضلعی ترجمان پنکج کمار نے بھی تراٶں حادثہ پر افسوس کا اظہار کرتے ہوۓ کہا کہ 'حکومت پوری طرح سے ریاست میں ناکام ہے، ریاست میں جب بر سر اقتدار پارٹی کے ایم ایل اے ہی جرائم کو انجام دے رہے ہیں تو صاف ظاہر ہے کہ حکومت جرائم پیشہ افراد کی حاصلہ افزائی کر رہی ہے ۔