کچھ ہی دیر میں رام ولاس پاسوان کی آخری رسومات ادا کی جائے گی

مرکزی وزیر رام ولاس پاسوان کی کچھ ہی دیر میں دیگھا گھاٹ پر آخری رسومات ادا کی جائے گی۔ مرکزی وزیر کے آخری دیدار کے لئے بورنگ روڈ پر واقع ان کی رہائش گاہ پر لوگوں کا تانتا لگا ہوا ہے۔

مرکزی وزیر رام ولاس پاسوان کی آج دوپہر ڈیڑھ بجے پٹنہ کے دیگھا گھاٹ میں ریاستی اعزاز کے ساتھ آخری رسومات ادا کی جائے گی۔

دراصل رام ولاس پاسوان کا جمعرات کے روز دہلی کے فورٹس اسپتال میں انتقال ہوگیا۔

وہیں جمعہ کی شام ان کی لاش کو ایئر فورس کے خصوصی طیارے کے ذریعہ پٹنہ لایا گیا۔ پٹنہ پہنچتے ہی لاش کو سب سے پہلے اسمبلی کیمپس لے جایا گیا جہاں خراج تحسین کی تقریب منعقد کی گئی۔

وزیر اعلیٰ نتیش کمار سمیت تمام رہنماؤں نے انہیں خراج تحسین پیش کیا۔ اس کے بعد ان کی لاش کو ایل جے پی آفس لے جایا گیا۔

ایل جے پی آفس میں بھی خراج تحسین کی تقریب کا انعقاد کیا گیا۔

تاہم ہفتہ کی صبح آٹھ بجے ایل جے پی کے رہنما کی لاش کو بورنگ روڈ پر واقع ان کی رہائش گاہ پر رکھا جائے گا۔

وہیں چراغ پاسوان بھی مرکزی وزیر کے جسدخاکی کے ساتھ پٹنہ پہنچے۔

رام ولاس پاسوان کی آخری رسومات ان کے بیٹے چراغ پاسوان ادا کریں گے۔

واضح رہے کہ مرکزی وزیر روی شنکر پرساد بھی رام ولاس پاسوان کی آخری رسومات میں شرکت کے لیے پٹنہ آئے ہیں۔