اسلحہ کے ساتھ تین بدمعاش گرفتار

بہار میں بکسر ضلع کے نگر تھانہ علاقہ کے آدرش نگر محلہ سے پولیس نے تین بدمعاشوں کو اسلحہ کے ساتھ گرفتار کرلیا۔

پولیس سپرنٹنڈنٹ اپندر ناتھ ورما نے بتایا کہ 'اطلاع کی بنیاد پر کل دیر رات آدرش محلہ واقع ایک ٹھکانے پر چھاپے ماری کی گئی ۔ اس دوران تین بدمعاشوں کو گرفتار کر لیا گیا۔'

انہوں نے بتایا کہ 'گرفتار بدمعاشوں کے پاس سے ایک دیسی کٹا، کچھ کارتوس، 40 ہزار روپے، ایک موبائل فون ، موٹر سائیکل اور کار برآمد کی گئی ہے۔'

پولیس سپرنٹنڈنٹ نے بتایا کہ 'گرفتار بدمعاشوں کی پولیس کو ایک گیس ایجنسی کے ملازم سے ڈھائی لاکھ روپے کی لوٹ کے معاملے میں تلاش تھی ۔ پولیس ان سے تفتیش کر رہی ہے۔'