جائیداد تنازعہ کے سبب تین افراد ہلاک

بیگوسرائے میں زمینی تنازعہ کے سبب دو فریقوں کے درمیان ہوئے فائرنگ میں تین افراد ہلاک جبکہ دیگر زخمی ہو گئے۔

ریاست بہار میں ضلع بیگو سرائے کے بچھوارا تھانہ علاقے میں واقع چھمتھا گوپ ٹولہ میں زمینی تنازعہ کو لے کر دو فریقوں کے مابین کئی راؤند فائرنگ ہوئی جس میں تین لوگوں کی موقع پر ہی موت ہو گئی جبکہ دیگر کئی افراد زخمی ہو گئے ہیں۔

اطلاع کے مطابق واقعے میں ہلاک شدہ کی شناخت ناگندر رائے ،امرجیت رائے،اور ان ہی کے اہل خانہ سے ایک خاتون کے طور پر ہوئی ہے،جبکہ سابق مکھیا دھرمیندر رائے ،امن کمار سمیت متعدد افراد زخمی ہیں۔

جس کے بعد موقع پر پہنچے ڈی ایس پی کندن کمار نےحالات کو قابو میں کرتے ہوئے لاش کو پوسٹ مارٹم کے لیے ہسپتال بھیجا اور معاملے کی تفتیش شروع کر دی ہے۔