ہتھیار کے ساتھ تین مجرم گرفتار

بہار میں ضلع ویشالی کے لال گنج تھانہ علاقہ کے بیدولی چوک سے پولیس نے تین مجرموں کو ہتھیار کے ساتھ گرفتار کیا۔

پولیس ذرائع نے آج یہاں بتایا کہ بیدولی چوک پر گزشتہ رات گاڑیوں کی تلاشی لی جا رہی تھی۔ اسی دوران ایک موٹر سائیکل پر سوار تین افراد کو ٹھہرنے کا اشارہ کیا گیا۔

پولیس کو دیکھتے ہی موٹر سائیکل پر سوار لوگوں نے فرار ہونے کی کوشش کی، لیکن پولیس نے پیچھا کر کے تینوں کو پکڑ لیا ۔

تلاشی کے دوران پولیس نے ان لوگوں کے پاس سے ایک پستول اور کچھ کارتوس برآمد کئے جس کے بعد انہیں گرفتار کر لیا گیا۔

ذرائع نے بتایا کہ گرفتار مجرموں کی شناخت ابھیشیک کمار، متھن کمار اور جوگی کمار کے طور پر کی گئی ہے۔ پولیس ان سے پوچھ گچھ کر رہی ہے۔