IED Blast In Gaya: گیا میں آئی ای ڈی بم دھماکے میں کوبرا کے تین جوان زخمی

بہار کے ضلع گیا اور اورنگ آباد کی سرحد پر واقع جنگلی علاقے میں آئی ای ڈی بم دھماکے IED Blast In Gaya میں تین پولیس جوان زخمی Three Cobra Jawan Injured ہوئے ہیں تاحال پولیس اور ممنوعہ نکسلی تنظیم بھاکپا ماووادی کے درمیان تصادم Clash Between Police and Naxalite ہو رہا ہے۔ زخمیوں میں ایک ڈپٹی کمانڈنٹ کوبرا بٹالین بھی شامل ہیں، گیا انوگرہ نارائن ہسپتال سے چار یونٹ خون بھیجا گیا ہے۔

گیا - اورنگ آباد ضلع کی سرحد پر واقع چھکربندھا وپنچ رکھیا جنگل میں جمعہ کی شام کو آئی ای ڈی بلاسٹ ہوا ہے، بلاسٹ میں سی آر پی ایف کی کوبرا بٹالین کے ایک اسسٹنٹ کمانڈنٹ و دو جوان شدید طور پر زخمی ہوئے ہیں۔ Clash Between Police and Naxalite

یہ واقعہ اس وقت پیش آیا جب کوبرا بٹالین جنگل میں سرچ مہم میں مصروف تھی، زخمیوں میں کوبرا کے اسسٹنٹ کمانڈنٹ ویبھوئی اور ہولدار و ریڈیو آپریٹر سریندر اور سمن پانڈے شامل ہیں۔ گیا کی ایس پی ہر پریت کور نے واقعہ کی تصدیق کرتے ہوئے کہا ہے کہ تین لوگوں کے زخمی ہونے کی اطلاع ہے۔ فی الحال انہیں جنگل سے نکالا جاچکا ہے اور اورنگ آباد میں ابتدائی علاج کے بعد بہتر علاج کے لیے انوگرہ نارائن مگدھ میڈیکل کالج و ہسپتال لایا جا رہا ہے، انہیں پہنچنے میں تھوڑا وقت لگ سکتا ہے اس کے بعد ہی پوری جانکاری حاصل ہوگی۔ IED Blast In Gaya

سرچ آپریشن کے دوران ہوا تصادم Clash Between Police and Naxalite

اطلاع کے مطابق سی آر پی ایف، کوبرا اور ضلع پولیس مشترکہ طور پر گیا کے امام گنج ڈومریا و اورنگ آباد ضلع کے مدن پور کے علاقے میں سرچ آپریشن شروع کیا تھا، اسی دوران دونوں ضلع کی سرحد پر واقع جنگل میں پولیس اور نکسلیوں کے درمیان تصادم ہوگیا۔ جس کے بعد پولیس جوانوں نے مورچہ سنبھالا اور نکسلیوں کو منھ توڑ جواب دینے لگے۔

اسی دوران اندھیرے کا فائدہ اٹھاتے ہوئے نکسلیوں نے آئی ای ڈی بلاسٹ کردیا، جس میں تین جوان زخمی ہوگئے ہیں۔ جس جگہ پر یہ واقعہ پیش آیا ہے وہاں پر گاڑیوں کا پہنچنا مشکل ہے، جسکی وجہ سے زخمیوں کو نکالنے میں کافی پریشانیوں کا سامنا کرنا پڑا ہے۔ رات ہونے کی وجہ سے ہیلی کاپٹر کا بھی جنگل میں استعمال ہونا ممکن نہیں تھا۔

اطلاع کے مطابق بعد میں جوانوں نے زخمیوں کو موٹرسائیکل پر بیٹھا کر جنگل سے نکالا ہے، اورنگ آباد میں زخمیوں کا ابتدائی علاج ہوا تاہم نازک حالت کی وجہ سے انہیں وہاں سے ریفر کردیا گیا ہے حالانکہ اس دوران گیا شہر میں واقع مگدھ میڈیکل کالج و ہسپتال میں علاج کے لیے انتظامات کئے گئے ہیں یہاں بڑی تعداد میں، سیٹی ایس پی راکیش کمار اور سی آر پی ایف کمانڈنٹ کی قیادت میں پولیس جوانوں کی تعیناتی کی گئی ہے۔ Clash Between Police and Naxalite

پولیس اطلاعات کے مطابق زخمیوں کو پٹنہ یا رانچی لے جانے کی تیاری کی جارہی ہے، گیا ایئرپورٹ پر ضلع پولیس اور سی آر پی ایف کے اعلیٰ حکام موجود ہیں، جس کی وجہ سے توقع ہے بذریعہ ایئر زخمی جوانوں کو پٹنہ یا رانچی لے جایا جائےگا۔


گیا ہسپتال سے چار یونٹ خون بھیجا گیا

وہیں گیا انوگرہ نارائن ہسپتال سے جلد بازی میں چار یونٹ خون بھیجا گیا ہے، جس میں بی پوزیٹیو اور او پوزیٹیو خون شامل ہے۔ بتایا جا رہا ہے کہ زخمیوں کی حالت تشویشناک ہے اور جنگل میں پولیس اور نکسلیوں کے درمیان تصادم جاری ہے۔ IED Blast In Gaya