مینی گن فیکٹری کا پردہ فاش، خاتون سمیت تین گرفتار

بہار کے مونگیر ضلع میں گنگٹا تھانہ علاقہ کے دریا پور گاﺅں میں ہوئی پولیس چھاپے ماری میں ایک مینی گن فیکٹری کا پردہ فاش کر کے اس میں کام کرنے والی ایک خاتون سمیت تین اسلحہ سازوں کو گرفتار کرلیا۔

پولیس سپرنٹنڈنٹ ڈاکٹر گورو منگلا نے یہاں بتایا کہ 'پولیس نے دریا پور گاﺅں میں چندن بھگت کے مکان میں غیر قانونی طور سے چل رہی ایک مینی گن فیکٹری کا پردہ فاش کیا ہے۔ اس کاروائی میں پولیس نے ایک خاتون سمیت تین اسلحہ سازوں کو گرفتار کیا ہے۔'

ڈاکٹر منگلا نے بتایا کہ 'گرفتار اسلحہ سازوں میں ببودھ پاسوان، بھولا منڈل اور رینو دیوی شامل ہیں۔ رینوی دیو چندن بھگت کی اہلیہ ہیں۔ جس کے مکان میں مینی گن فیکٹری چلائی جارہی تھی۔ غیر قانونی کارخانے سے دو دیسی پستول، چار نیم تعمیر دیسی پستول، پستول کی نیم تعمیر 27 میگزین، الیکٹریکل مشین، لیتھ مشین، چالیس لوہے کا چدرا اور ایک موٹر سائیکل برآمد کی گئی ہے۔