بہار: بیتیا میں سیلاب کا قہر

ریاست بہار کے ضلع بیتیا کا منگل پور کلا گاؤں سیلاب میں پوری طرح سے ڈوب گیا ہے۔

منگل پور کلا گاؤں بیتیا سے 25 کلو میٹر کے فاصلے پر واقع گاؤں ہے۔

بھاری بارش کے سبب گاؤں مکمل طور پر پانی میں ڈوبا ہوا ہے۔

گاؤں کے لوگ نقل مکانی کر چکے ہیں جبکہ کچھ دیہاتی اپنی جھونپڑیوں کے اوپر بیٹھے ہوئے ہیں اور اپنے گھر اور دیگر چیزوں کی حفاظت کر رہے ہیں جبکہ گھر کی دوسری کئی اشیاء سیلاب میں بہہ گئی ہیں۔

علاقے میں زبردست پانی بھر جانے کے سبب لوگ گھروں کی چھتوں پر بیٹھے ہوئے ہیں اور امداد کے منتظر ہیں۔

متاثرین کا کہنا ہے کہ ابھی تک ضلعی انتظامیہ کی جانب سے کسی بھی طرح کی کوئی مدد نہیں ملی ہے اور نا ہی کوئی ان کی حالت دریافت کرنے کے لیے آیا ہے۔

تصاویر سے پتہ چلتا ہے کہ گاؤں میں کچھ نہیں بچا ہے۔

تمام لوگ گاؤں سے ہجرت کر چکے ہیں۔ وہ حکومت کی طرف سے کوئی ریلیف لینے کے لئے سرکاری مدد کے منتظر ہے۔

ان کے پاس کھانے کو کچھ نہیں ہے

اور نہ ہی ان کو کوئی امدادی سامان ارسال کیا جارہا ہے تاکہ وہ اس سیلاب میں زندہ بچ سکیں۔