ریاست بہار کے ضلع ویشالی کے دیسری علاقے سے تعلق رکھنے والے مریض میں کورونا انفیکشن کی تصدیق ہوگئی ہے۔ جس کے بعد مقامی افراد اور انتظامیہ میں ہلچل مچ گئی ہے۔ محکمہ صحت کی ٹیم اور پولیس کی ٹیم گاؤں پہنچ کر اس گاؤں کو مکمل طور پر سیل کر دیا ہے۔
ویشالی میں کورونا متاثرین کی تعداد تین ہوگئی
بہار کے ضلع ویشالی کے دیسری میں کورونا وائرس کا ایک اور کیس سامنے آیا ہے جس سے متاثرین کی تعداد تین ہوگئی ہے۔ کورونا ئراس کے بڑھتے خطرات کو دیکھتے ہوئے 15 افراد کو قرنطینہ میں رکھا گیا ہے اور گاؤں کو پوری طرح سے سیل کر دیا گیا ہے۔
بہار کے ضلع ویشالی میں کورونا متاثرین کی تعداد تین ہوئی، گاؤں سیل
گاؤں میں پولیس کی نفری تعینات کر دی گئی ہے۔ ہر ایک سے اپنے اپنے گھروں میں رہنے کو کہا جا رہا ہے۔ گاؤں میں کسی بھی بیرونی فرد کے داخلے پر مکمل پابندی ہے۔ وہیں، متاثر افراد کے ساتھ رابطے میں آنے والے 15 افراد کو قرنطینہ سینٹر بھیج دیا گیا ہے۔ سب کے نمونے جانچ کے لیے پٹنہ بھیجے گئے ہیں۔ لوگوں کو ان کی تفتیشی رپورٹ کا انتظار ہے۔
بتا دیں کہ اس سے قبل راگھو پور اور بیدو پور کے مریض کورونا مثبت پائے گئے تھے۔ دیسری کے مریض میں کورونا وائرس کی تصدیق کے ساتھ ہی ضلع میں متاثرہ افراد کی تعداد 3 ہوگئی ہے۔ علاقے میں لوگ خوف و ہراس میں ہیں۔