بہار: کسان کے گھر سے لاکھوں کی چوری

بہار میں ضلع سارن کے نیا گاؤں تھانہ علاقہ میں چوروں نے ایک کسان کے بند مکان کا تالا توڑ کر تقریباً 20 لاکھ روپے مالیت کی املاک چرالی۔

پولیس کے ذرائع نے آج بتایا کہ گزشتہ شب کچھ چور محلہ چوک گاؤں کے رہنے والے منوکامنا سنگھ کے بند مکان کا تالا توڑ کر اندر داخل ہو گئے اورنقدی و زیورات سمیت دیگر قیمتی سامان چرالیا۔ چوروں نے تقریبا 20 لاکھ روپے مالیت کی املاک چوری کی ہے۔

ذرائع نے بتایا کہ مسٹر سنگھ اپنے رشتہ دار کے یہاں دہلی گئے ہوئے ہیں۔ اس سلسلے میں نامعلوم چوروں کے خلاف مقدمہ درج کر لیا گیا ہے۔پولیس معاملے کی چھان بین کر رہی ہے۔