مونگیر: تین افراد کا قتل

مونگیر ضلع میں ایک مٹھائی کاریگر کی ہلاکت کے بعد ناراض گاؤں والوں نے مبینہ طور پر ایک ہی خاندان کے تین افراد کا قتل کر دیا، پولیس نے لاشوں کو پوسٹ مارٹم کے لئے بھیج دیا ہے اور معاملہ کی تفتیش شروع کر دی ہے۔

بہار کے ضلع مونگیر کے قاسم بازار تھانے کے علاقے میں ایک مٹھائی کاریگر کی ہلاکت کے بعد ناراض گاؤں والوں نے ایک پرائیویٹ کمپنی کے ملازم اور اس کے بیٹے کی جان لے لی۔

تین افراد کا قتل

پولیس ذرائع نے بتایا کہ جمعہ کی شب دیر رات چائے ٹولہ کربلا محلہ میں ایک مٹھائی کاریگر ساگر مہتو کو گولی مار کر ہلاک کردیا گیا۔ ساگر مہتو کے قتل سے ناراض لوگوں نے چائے ٹولہ کربلا محلہ کے رہنے والے اور آئی ٹی سی لمیٹڈ کے ملازم جے جے رام سا اور اس کے بیٹے کو مبینہ طور پر ساگر مہتو کا الزام عائد کرتے ہوئے قتل کردیا۔

ذرائع کا کہنا ہے کہ اس معاملہ میں کچھ لوگوں کو پولیس نے حراست میں لیا ہے۔ اس واقعہ کی وجہ زمین تنازع بتایا جارہا ہے۔ پولیس کے اعلی افسران موقع پر پہنچ گئے اور کیس کی چھان بین کر رہے ہیں۔ لاشوں کو پوسٹ مارٹم کے لئے بھیج دیا گیا ہے۔

یو این آئی