سول سرجن کو دس ہزار ماسک مہیا کرایا گیا

ریڈ کراس سوسائٹی کی کیمور شاخ نے سِول سرجن کو دس ہزار ماسک فرنٹ لائن پر کام کرنے والوں کی حفاظت کے غرض سے مہیا کرایا ہے۔

ریاست بہار کے ضلع کیمور میں اپنی زندگی خطرے میں ڈال کر مریضوں کی خدمت کرنے والے کورونا واریٸرز کے تحفظ کے لیے بھارتیہ ریڈ کراس سوسائٹی کیمور کی جانب سے سول سرجن کو دس ہزار ماسک مہیا کرایا گیا ہے۔

بھبھُوا میں موجود ضلعی دفتر سوسائٹی کے چیئرمین رامیشور پرساد سنگھ اور سکریٹری پرسون کمار مشرا نے سول سرجن ڈاکٹر ارون کمار تیواری کو دس ہزار ماسک سونپا۔

اس موقع پر ضلعی جج سمپورنا نند تیواری نے کہا کہ کورونا سے بچاؤ کے لیے ماسک لگانا بہت ہی ضروری ہے۔ سوسائٹی نے اتنی بڑی مقدار میں ماسک مہیا کروا کے اچھا کام کیا ہے۔

ریڈ کراس سوسائٹی کے صدر ڈی ایم نول کشور چودھری نے کہا کہ ریڈ کراس سوساٸٹی کا یہ قدم کافی تعریف کے لائق ہے۔