حزب اختلاف میں رہتے ہوئے انہیں حکومت سے کس طرح سوال پوچھنا ہے، میڈیا سے کتنی باتیں کرنی ہیں اور تازہ ترین معلومات سے کیسے آگاہ رہنا ہے، تیجسوی نے نو منتخب اراکین اسمبلی کو ایک سرپرست کی طرح سے بتایا۔
عظیم اتحاد کے رہنما تیجسوی یادو نے اپنے نو منتخب اراکین اسمبلی کے ساتھ ایک میٹنگ کی، انہوں نے آنے والے وقت میں کام کرنے اور اسمبلی میں اپنے خیالات کا اظہار کرنے کے طریقوں پر اپنے تجربات شیئر کیے، حیرت انگیز بات تو یہ ہے کہ تیجسوی یادو آج ان اراکین اسمبلی کے سامنے سرپرست کے کردار میں نظر آئے۔
عظیم اتحاد کے اراکین اسمبلی کی میٹنگ میں ای ٹی وی بھارت بھی شریک تھا، اجلاس میں اودھ بہاری چودھری کے نام پر اتفاق رائے کرتے ہوئے اسپیکر کے عہدے کے لیے انتخاب لڑنے کا فیصلہ کیا گیا۔
اجلاس کے آغاز میں تیجسوی نے پارٹی اور اسمبلی کے اندر نظم و ضبط برقرار رکھنے پر خصوصی زور دیا۔ انہوں نے کہا کہ بہت ساری نئی چیزیں آپ کے سامنے آئیں گی۔ مشکلات بھی ہوں گی، لیکن آپ اس سے کبھی پریشان نہیں ہوں گے۔
انہوں نے خود اپنے تجربات شیئر کیے، تیجسوی نے کہا کہ آپ سب 'لاء میکرز' ہیں۔ مختلف چیزیں آپ کے سامنے آتی رہیں گی۔ لہذا آپ کا احتساب بڑھ جائے گا، مستقبل میں آپ کو اپنا کام بہت احتیاط سے کرنا ہے۔
اپنا تجربہ بتاتے ہوئے تیجسوی نے کہا کہ جب میں پہلی بار رکن اسمبلی بنا تھا تو میں نے بھی بہت سی چیزیں سیکھی تھیں، انہوں نے کہا کہ سیاست میں آپ روز نئی نئی چیزیں سیکھتے رہتے ہیں۔ اگر آپ اسمبلی کی کارروائی پر توجہ دیں تو آپ کو ہندی بھی بہت مشکل لگے گی، لیکن آہستہ آہستہ آپ اس سے بھی واقف ہوجائیں گے۔
انہوں نے کہا کہ 'مجھے یاد ہے کہ جب میرے آفیشیل نے مجھ سے فائل دیکھنے کے لیے کہا تو مجھے اس وقت نہیں معلوم تھا کہ فائل کیا ہے، یہ ایک بہت چھوٹی سی چیز ہے۔ اسی طرح بہت ساری چیزیں آئیں گی۔
انہوں نے کہا کہ آپ سب کے لیے واٹس ایپ کے دو مختلف گروپس بنائے گئے ہیں، پہلا گروپ 'مہاگٹھ بندھن' کے نام پر ہے اور دوسرا گروپ 'آر جے ڈی 2020' کے نام پر ہے، آر جے ڈی والے گروپ میں آپ کو پارٹی سطح پر ہونے والی گفتگو سے آگاہ کیا جائے گا، ہم سب کو کون سا ایجنڈا اٹھانا ہے اس کے بارے میں بتایا جائے گا۔
تیجسوی نے کہا کہ آپ لوگ ان گروہوں کا بہت سنجیدگی سے خیال رکھیں گے۔ آپ کو میسج کو مستقل چیک کرتے رہنا ہوگا، انہوں نے گزارش کرتے ہوئے کہا کہ 'براہ کرم دن میں کم از کم دو بار گروپ کو چیک کریں، اس کے ساتھ آپ کو آر جے ڈی اور عظیم اتحاد کے اندر ہونے والی سیاسی ہلچل کی ہر معلومات کے ساتھ اپ ڈیٹ کیا جائے گا۔ اگر کسی کو واٹس ایپ چلانے میں دشواری ہو رہی ہے تو آپ کسی کی مدد لے سکتے ہیں۔ بہت ہی اہم خبر یا معلومات ہو تبھی گروپ میں اس کا اشتراک کریں یہاں کوئی ذاتی معلومات شیئر نہ کریں بصورت دیگر اس گروپ کا مقصد ختم ہوجائے گا۔
آپ کو بتاتا چلوں کہ اس بار تیجسوی نے حالیہ انتخابات میں جنگی پیمانے پر تن تنہا عظیم اتحاد کی باگ ڈور سنبھالی اور ریاست بھر میں انتخابی مہم کی تھی، تیجسوی یادو نے تن تنہا 251 انتخابی جلسے کیے، آر جے ڈی نے 75 نشستیں حاصل کر کے ریاست کی سب سے بڑی پارٹی بنی۔
