تیج پرتاپ، بھگوان شیو کی پوشاک میں

ریاست بہار کے سابق وزیراعلیٰ لالو پرساد یادو کے بڑے بیٹے تیج پرتاپ نے ساون کے مہینے میں بھگوان 'شیو' جیسا لباس پہن کر پٹنہ کی شیو مندر میں پوجا کی۔

آر جے ڈی کے رہنما تیج پرتاپ نے مندر میں دودھ اور گنگا جل چڑھایا۔ تیج پرتاپ نے گذشتہ برس بھی اس مہینے میں ایسا ہی لباس پہن کر پوجا کی تھی۔

انہوں نے کہا کہ 'میں یہاں بہار، بہار کے لوگوں اور ملک کی بہتری کے لیے دعا کرنے آیا ہوں تاکہ ملک میں ہر کوئی امن و سکون سے رہ سکے اور آپس میں بھائی چارہ برقرار رہے۔'

انہوں نے کہا کہ 'وہ ان کے والد لالو پرساد کی صحت کے لیے بھی دعا کرنے آئے ہیں۔'