ریاست بہار کے ضلع کیمور میں آج اساتذہ کی ایک بڑی تعداد نے اجتماعی طور پر بہار حکومت کے نئے حکم نامہ کے خلاف احتجاج کرتے ہوئے حکم نامہ کی کاپی کو نذر آتش کیا ہے۔
ضلع ہیڈ کوارٹر بھبھوا میں احتجاج کررہے اساتذہ نے شدید مخالفت کرتے ہوئے حکومت کے اس حکم نامے کو تسلیم نہیں کرنے کا اعلان کیا۔
وہیں دوسری جانب اساتذہ یونین نے بہار حکومت کے اس حکم کی مذمت کرتے ہوئے اسے کالا حکم قرار دیا ہے۔
اساتذہ نے کہا کہ اگر حکومت اس حکم کو واپس نہیں لیتی ہے تو سنگھ جلد ہی کیمور سمیت پورے بہار میں احتجاج کرنے پر مجبور ہوگا۔
اساتذہ یونین کا یہ بھی کہنا تھا کہ کیمور کا محکمہ تعلیم سراسر غفلت کی مثال ہے تاہم حکومت کی جانب سے اساتذہ کی تنخواہیں الاٹ کیے ہوئے دس دن گزرچکے ہیں لیکن اساتذہ کی تنخواہیں ابھی تک ادا نہیں کی گئی ہیں۔
واضح رہے کہ اس ضمن میں محکمہ تعلیم کے عہدیداروں کی طرف سے کوئی اقدام نہیں کیا جارہا ہے، جو سراسر غفلت برتنے کے مترادف ہے اس لیے اساتذہ یونین اس کی شدید مذمت کرتی ہے۔
انہوں نے کہا کہ 'ہم نے متعدد بار محکمہ تعلیم کے حکام سے تنخواہ کی ادائیگی کے بارے میں بات کی ہے، لیکن عہدیداروں نے کان میں تیل ڈال رکھا ہے۔
