بہار اسٹیٹ شیعہ وقف بورڈ کے نومنتخب چیئرمین سید افضل عباس کو درپیش مشکلات

بہار اسٹیٹ شیعہ وقف بورڈ کے نو منتخب چئیرمین سید افضل عباس کے لیے ان کا عہدہ پر فائز ہوتے ہی انہیں مشکلات پیش آ رہی ہیں۔

حکومت نے نومنتخب چیر مین آتے ہی سابق چیئرمین ارشاد علی آزاد کے ذریعہ کئے گئے فیصلے کو رد کر دیا ہے۔

بہار اسٹیٹ شیعہ وقف بورڈ کے نئے چیئرمین سید افضل عباس کے آتے ہی ان کے خلاف مخالفین نے محاذ آرائیاں شروع کر دی ہیں۔

دوسری طرف ریاستی حکومت نے سابق چیئرمین ارشاد علی آزاد کے ذریعہ کچھ زمین اور دکان کو لیز کئے جانے کے فیصلے کو رد کر دیا ہے۔

یہ الزام لگایا گیا ہے کہ سابق چیئرمین ارشاد علی آزاد نے بورڈ کی منظوری کے بغیر اپنے جانے کے کچھ روز قبل متعدد املاک کو غیر قانونی طور پر منانے طریقہ سے لیز کر دیا تھا۔

ان پر الزام ہے کہ انہوں نے لاکھوں روپے لوگوں سے لئے ہیں۔

اس کے علاوہ جے ڈی یو اقلیتی سیل کے پٹنہ مہانگر کے صدر شکیل ہاشمی کے خلاف موجودہ بورڈ نے وقف املاک غصب کرنے کا معاملہ درج کرایا ہے۔

موجودہ نو منتخب چئیرمین سید افضل عباس نے کہا کہ سابق چیئرمین نے جو لیز کا فیصلہ کیا تھا اسے بورڈ کے سی ای او نے مسترد کرتے ہوئے محکمہ اقلیتی فلاح کو بھیج دیا تھا۔

نئی حکومت کے محکمہ اقلیتی فلاح کے وزیر اشوک چودھری کے ذریعہ رد کر دیا گیا ہے۔

انہوں نے کہا کہ اس معاملے کی تحقیقات ہو گی اور اس کے خلاف جو وقف ایکٹ ہے، اس کے مطابق کارروائی کی جائے گی۔