دربھنگہ میں کورونا کا مشتبہ مریض ملا

دربھنگہ کے بہادر پور ڈیویژن کے اگھرا ،مہپاڑا پنچایت کے دائنگ گاؤں کے رہنے والے 80 سالہ سورج نارائن مہاسیٹھ کو کورونا وائسر کے پیش نظر دربھنگہ ہسپتال اور یونیورسٹی(ڈی ایم سی ایچ)کے آئیسولیشن وارڈ میں جمعہ کی رات داخل کرایا گیا ہے۔

بہار کے ضلع دربھنگہ میں کورونا وائرس کا ایک مشتبہ مریض سامنے آیا ہے۔

اطلاع کے مطابق دربھنگہ کے بہادر پور ڈیویژن کے اگھرا ،مہپاڑا پنچایت کے دائنگ گاؤں کے رہنے والے 80 سالہ سورج نارائن مہاسیٹھ کو دربھنگہ ہسپتال اور یونیورسٹی(ڈی ایم سی ایچ)کے آئیسولیشن وارڈ میں جمعہ کی رات داخل کرایا گیا ہے۔
مشتبہ مریض اسپیشل ٹرین سے بھارت کا سفر کرکے 29 فروری کو اپنے گاؤں واپس لوٹا ہے۔

دربھنگہ میں کورونا کا مشتبہ مریض ملا

اس دوران دربھنگہ میڈیکل کالج اسپتال کے سپرنٹنڈنٹ ڈاکٹر راج رنجن پرساد نے آج یہاں بتایا کہ بہادرپور ڈیویژن کے اگھڑا-مہپاڑا پنچایت کے مکھیا نرنجن یادو نے گاؤں کے سوریہ نارائن کو کورونا وائرس کا مشتبہ مریض بتاتے ہوئے اسپتال میں داخل کرنے کی اپیل کی تھی۔

مریض کی ابتدائی جانچ کے بعد اس میں سردی کھانسی ،بلڈ پریشر ،ذیابیطس اور ماضی میں تپیدق ہونے کی بھی اطلاع ملی ہے جس کے بعد مریض کو یہاں داخل کیاگیاہے۔

ہسپتال میں کورونا کے مشتبہ مریضوں کےلئے خاص طورپر چھ بیڈ کا ایک اسپیشل وارڈ بنایا گیاہے جہاں مریض کا علاج کیا جارہا ہے۔

پرساد نے بتایا کہ مریض کے خون کا سیمپل لے کر جانچ کےلئے پٹنہ بھیجا گیاہے۔جانچ رپورٹ کے بعد ہی کچھ کہا جاسکتا ہے۔انہوں نے بتایا کہ ڈی ایم سی ایچ کے مائیکرو لوجی محکمے کے ہیڈ ڈاکٹر آر ایس پرساد میڈیسن ڈپارٹمنٹ کے صدر شعبہ ڈاکٹر سی ایم جھا کی قیادت میں ڈاکٹر پروین سنگھ،ڈاکٹر راجیش جھا خاص طورپر مریض کا علاج کرر ہے ہیں۔