'مضبوط خاندان اور مضبوط سماج سے ملک مضبوط ہوگا'

جماعت اسلامی ہند کے شعبہ خواتین کے زیر اہتمام دس روزہ ملک گیر مہم 'مضبوط خاندان مضبوط سماج' چلائی گئی۔ اس کے تحت بہار سمیت پورے ملک میں طرح طرح کے پروگرامز کا انعقاد کیا گیا۔

جماعت اسلامی ہند کے امیر سید سعادت اللہ حسینی نے کہا کہ خاندان سے ہی سماج بنتا ہے اور سماج سے ملک۔ خاندان کے افراد جس طرح کے ہوں گے، ان کی جیسی پرورش اور تربیت ہوگی، جیسا ان کا کردار ہو گا، ویسا ہی سماج ہوگا اور اسی کے عین مطابق ملک اپنی شناخت قائم کرے گا۔

جماعت اسلامی ہند کے امیر سید سعادت اللہ حسینی، نائب امیر جماعت اسلامی ہند انجنیئر ایس امین الحسن اور جماعت اسلامی ہند بہار کے امیر حلقہ مولانا رضوان احمد اصلاحی نے گزشتہ روز دار الحکومت پٹنہ میں ایک تقریب دوران ملک گیر سطح پر چلائی جا گئی اس مہم کی حصولیابی کی جانکاری دی۔

سعادت اللہ حسینی نے کہا کہ مضبوط خاندان اور مضبوط سماج کی جو مہم ملک گیر سطح پر چلائی گئی، اس کے بہتر اثرات مرتب ہوئے ہیں۔ سماج کا ہر طبقہ اس سے جڑا۔

انہوں نے کہا کہ آئندہ پورے ملک میں کاؤنسلنگ کی جائے گی۔ ہم نے جو سروے کیا ہے۔ اس کی رپورٹ کے آنے کے بعد ہم اس پر آئندہ کا لائحہ عمل مرتب کریں گے۔