قرنطینہ مرکز سے فرار ہونے پر درج ہوگی ایف آئی آر

ایس پی دلنواز احمد نے کہا کہ 'شام کے وقت تھانہ صدر جب بھی گشتی پر جاٸیں تو قرنطینہ سینٹر جا کر پولیس اہلکار کی حاضری و رجسٹر کی جانچ کریں۔ ساتھ ہی باہر سے آنے والے سبھی مزدوروں کا بھی پتہ کریں۔'

ریاست بہار کے ضلع کیمور کے ایس پی دلنواز احمد نے سخت انتباہ دیتے ہوئے کہا ہے کہ 'اگر کوئی بھی افراد چاہے وہ سرکاری ملازم ہو یا دہاڑی مزدور، قرنطینہ چھوڑ کر فرار ہوگا تو اس کے خلاف ایف آئی آر درج کی جائے گی ساتھ مکمل طور پر قانونی کاررواہی بھی کی جائے گی۔

انہوں نے بتایا کہ 'اس کی ساری ذمہ داری ضلع کے سبھی تھانہ کو دے دی گئی ہے۔ ایک ایک قرنطینہ مرکز کی جانچ کی ذمہ داری تھانہ صدر جا کر خود ہی کریں گے۔'

ایس پی نے بتایا کہ 'اے ایس پی اننت کمار رائے کو ہدایت کی گئی ہے کہ وہ اس سلسلے میں تمام تھانہ سربراہوں کو ایک خط جاری کریں۔'

انہوں نے اس متعلق مزید جانکاری دیتے ہوۓ بتایا کہ شام کے وقت تھانہ صدر جب بھی گشتی پر جاٸیں تو قرنطینہ سینٹر پر جا کر پولیس اہلکار کی حاضری و رجسٹر کی جانچ کریں۔ ساتھ باہر سے آنے والے سبھی مزدوروں کا بھی پتہ کریں۔'