Bihar Minority Minister Interview بہار میں نفرت پھیلانے والوں کو بخشا نہیں جائے گا

بہار کے نو منتخب اقلیتی وزیر زماں خان سے ای ٹی وی بھارت سے خصوصی گفتگو میں کہا کہ ریاست میں منافرت کا ماحول پیدا کرنے والوں کو بخشا نہیں جائے گا۔ Minority Minister of Bihar Zaman Khan

پٹنہ:نتیش کمار کی قیادت والی عظیم اتحاد کی حکومت میں اقلیتی وزارت ایک بار پھر سے زماں خان کو سونپی گئی ہے۔ زماں خان اس سے پہلے این ڈی اے حکومت میں بھی اقلیتی وزیر کے عہدے پر فائز تھے۔ ان کے بہتر کام کو دیکھتے ہوئے نتیش کمار نے ایک بار پھر سے ان پر بھروسہ کیا اور اقلیتی وزارت کا قلمدان دوبارہ ان کے سُپرد کیا۔ Bihar Politics

ای ٹی وی بھارت کے ساتھ گفتگو کے دوران زماں خان نے وزیراعلیٰ نتیش کمار کا شکریہ ادا کرتے ہوئے کہا کہ وزیر اعلیٰ ہم لوگوں کے آئیڈیل اور سرپرست ہیں۔ ہمیشہ مجھے بہتر سے بہتر کام کرنے کے تئیں حوصلہ بخشتے ہیں۔ میں نے گزشتہ مدت میں اقلیتوں کی فلاح و بہبود کے لیے جو کام کئے وہ کم تھے اس کے لیے آگے اور بھی کام کرنا باقی ہیں جس کے لئے پوری طرح سے پرعزم ہوں اور منصوبہ بندی کر رکھی ہے۔ Hate Mongers Will Bot Be Spared

ایک سوال کے جواب میں زماں خان نے کہا کہ 'جو لوگ سوال کر رہے ہیں کہ 20 لاکھ نوکری کہاں سے ملیں گی؟ دراصل انہی لوگوں کی وجہ سے بہار میں نوکری نہیں نکل پا رہی تھی۔ وزیر اعلیٰ اور نائب وزیر اعلیٰ نے جب اس بابت کہہ دیا ہے تو بڑی تعداد میں نوکری کے لئے ویکنسی نکالی جائے گی اور یہ ہو کر رہے گا۔

اقلیتی وزیر زماں خان نے کہا کہ 'بہار میں عظیم اتحاد کی حکومت کا اثر قومی سطح پر بھی پڑے گا۔ ملک کے عوام نے مودی حکومت کو بھارت کی ترقی کے لیے اقتدار سونپا تھا لیکن یہ حکومت ملک کو خسارے پر لے جا رہی ہے۔ مہنگائی، بیروزگاری سے عوام پریشان حال ہے۔ کسان خودکشی کرنے پر مجبور ہیں۔ انہوں نے کہا کہ ملک میں منافرت کا ماحول پیدا کیا جا رہا ہے اس لیے بہار میں منافرت پھیلانے والے عناصر کے خلاف سخت کارروائی کی جائے گی۔