سیلاب کی صورتحال اور لوگوں کی حالت جاننے اور امدادی سامان فراہمی کے لیے آج ضلع انچارج اور وزیر رام نارائن منڈل نے سیلاب متاثرہ علاقوں کا دورہ کیا اور لوگوں کو جلد ہی راحتی سامان فراہم کرانے کی یقین دہانی کرائی۔
کٹیہار میں گنگا اور کوسی ندی میں پانی کی سطح میں اضافہ ہونے کی وجہ سے چھ بلاک متاثر ہیں، جس سے ضلع میں تقریبا 3،51،456 افراد متاثر ہیں۔ جن کی سہولیات کے لیے ضلع انتظامیہ کی جانب سے 164 کمیونٹی کچن اور 170 کشتیوں کا انتظام کیا گیا ہے۔
سیلاب متاثرین کی حالت جاننے کے لیے ضلع انچارج اور وزیر رام نارائن منڈل آج کٹہار پہنچے ۔
ریاستی وزیر کا کٹیہار میں کیمپ۔ویڈیو اس دوران انہوں نے کرسیلا اور باری بلاکس کے سیلاب سے متاثرہ علاقوں کا دورہ کیا اور کمیونٹی کچن اور صحت کے کیمپ کا جائزہ لیا۔ وزیر نے ضلع کے تمام افسران کو سیلاب متاثرہ لوگوں کی امداد کرنے کا حکم دیا اور مقامی لوگوں کو گھروں سے باہر نہ نکلنے کی ہدایت دی۔
ریاستی وزیر کا کٹیہار میں کیمپ اس دوران وزیر کے ہمراہ ضلعی انچارج پونم کماری، صدر ایس ڈی ایم نیرج کمار، کٹیہار کے رکن پارلیمان دلال چندر گوسوامی اور مقامی نمائندے موجود تھے۔
وزیر رام نارائن منڈل نے کہا کہ وہ حالات کو دیکھتے ہوئے کٹیہار میں 2 روزہ کیمپ کریں گے اور تمام متاثرہ علاقوں کا دورہ کرکے جائزہ لیں گے ۔ متاثرین کو تمام ضروری سہولیات فراہم کرانے کی یقین دہانی کے بعد ہی وہ یہاں جائیں گے۔
