Drone Seized: بھارت نیپال سرحد سے ایس ایس بی نے 8 چائنیز ڈرون ضبط کیے

بہار کے مشرقی چمپارن ضلع کے ڈھاکہ تھانہ کے بلوا گوواباری سرحد سے ایس ایس بی کے جوانوں ںے نیپال سے لائے جارہے آٹھ چائنیز ڈرون کیمرے سمیت تین لوگوں کو گرفتار کیا ہے۔ سکرہنا ڈی ایس پی کو اس کی جانچ کی ذمہ داری سونپی گئی ہے۔

(موتیہاری) مشرقی چمپارن ضلع کے سکرہنا سب ڈویژن علاقے کی گوواباری سرحد سے ایس ایس بی کے جوانوں نے نیپال سے لائے جارہے آٹھ چائنیز ڈرون کیمروں کے ساتھ تین لوگوں کو گرفتار کیا ہے۔

جانکاری کے مطابق کنڈواچین پور تھانہ میں 26 جون کو گوواباری ایس ایس بی پوسٹ کے افسران کو نیپال سے ممنوعہ کچھ سامان اسمگل کرکے بھارت لانے کی جانکاری ملی تھی۔ جس کی بنیاد پر ایس ایس بی نے گشت بڑھادیا۔ گشت میں جانچ کے دوران ایک کار میں سوار تین نوجوانوں پر پولیس کو شک ہوا، جس پر جانچ کرنے پر ان کے پاس سے آٹھ ڈرون کیمرے برآمد ہوئے ہیں۔ پولیس نے تینوں اسمگلرس کو گرفتار کرلیا ہے۔

موتیہاری ایس پی نوین چندر جھا

اس معاملے ایس پی نوین چندر جھا نے بتایا کہ ڈرون برآمدگی معاملے کی ذمہ داری سکرہنا ڈی ایس پی کو دی گئی ہے۔ ایس پی کے مطابق پوچھ تاچھ میں اسمگلرس نے بتایا کہ شادی کے پروگرام میں ویڈیو گرافی کے لئے وہ نیپال سے ڈرون خرید کر لائے تھے۔

گرفتار کیے گئے لوگوں میں سیتامڑھی ضلع کا رہنے والا وکی کمار اور کنڈواچین پور تھانہ علاقے کا رہنے والا کرشنا نندن کمار اور راہل کمار ہے۔