بھاگلپور اسمبلی حلقہ کے امیدوار علی سجاد سے خاص ملاقات

''مسلمانوں کو اپنا نمائندہ منتخب کرنا چاہیے، کیونکہ بھیڑ بکری کی طرح کسی پارٹی کے پیچھے چلنے سے مسلمانوں کا مسئلہ حل ہونے والا نہیں ہے۔''

ریاست بہار کے بھاگلپور اسمبلی حلقہ سے واحد مسلم امیدوار سید علی شاہ سجاد نے کہا ہے کہ کانگریس ہو یا آر جے ڈی، وہ مسلمانوں کا ووٹ تو لینا چاہتی ہے اور مسلمانوں کے سہارے اقتدار میں آنا چاہتی ہے، لیکن نمائندگی دینے کی قطعی ضرورت محسوس نہیں کرتی، جسکی تازہ مثال بھاگلپور ہے۔

انہوں نے کہا کہ بھاگلپور میں سات اسمبلی حلقے ہیں اور تقریباً 30 فیصد مسلمان ہیں اس کے باوجود کانگریس لاکھ کوشش کے باوجود مسلمانوں کو ٹکٹ نہیں دیتی، لہذا وہ کانگریس سے بغاوت کر دوسری پارٹی کے ٹکٹ پر انتخاب لڑ رہے ہیں۔

انہوں نے کہا کہ مسلمانوں کو اپنا نمائندہ منتخب کرنا چاہیے، کیونکہ بھیڑ بکری کی طرح کسی پارٹی کے پیچھے چلنے سے مسلمانوں کا مسئلہ حل ہونے والا نہیں ہے۔

آپکو بتادیں کہ کانگریس کے سابق ضلع صدر اس بار بھاگلپور اسمبلی حلقہ سے رالوسپا کے ٹکٹ پر انتخابی میدان میں ہیں اور انہیں کانگریس کے موجودہ ایم ایل اے اجیت شرما سے مسلمانوں کی ناراضگی کا فائدہ مل سکتا ہے۔