جگنیش میوانی سے خصوصی بات چیت

گجرات کے رکن اسمبلی و دلت رہنما جگنیش میوانی نے ای ٹی وی بھارت سے بات چیت کرتے ہوئے وزیراعظم نریندر مودی پر سخت نکتہ چینی کی ہے۔

جگنیش میوانی ریاست بہار کے ارریہ میں سی اے اے اور این آر سی خلاف احتجاج میں شرکت کے لیے پہنچے ہیں، میوانی ارریہ کے آزاد اکیڈمی ہائی اسکول کے میدان میں شہریت ترمیمی قانون کے خلاف عوام سے مخاطب ہوں گے۔

جگنیش میوانی نے کہا کہ اس ملک کے لیے سبھی مزاہب کے لوگوں نے قربانیاں پیش کی ہیں لیکن موجودہ حکومت صرف ایک طبقہ کو نشانہ بنا رہی ہے جس کی اجازت خود آئین نہیں دیتا۔

انہوں نے جے این میں نقاب پوش حملہ افراد کے ذریعے حملے کی مذمت کرتے ہوئے بھی مرکزی حکومت پر تنقید کی۔

جگنیش میوانی نے مزید کہا کہ وزیراعظم اور وزیر داخلہ عوام کو گمراہ کر رہے ہیں لیکن عوام اب ان کے جھانسے میں نہیں آئے گی۔