دربھنگہ میں شراب کے ساتھ چھ گرفتار

ریاست بہار کے ضلع دربھنگہ کے بیتا معاون تھانہ علاقہ سے پولیس نے انگریزی شراب کے ساتھ چھ لوگوں کو گرفتار کیا ہے۔

اینٹی لیکر ٹاسک فورس کے انچارج رگھونش کمار بھانو نے جمعرات کو یہاں بتایا کہ سینیئر پولیس سپرنٹنڈنٹ بابو رام کی ہدایت پر غیر قانونی شراب اسمگلروں کے خلاف چلائی جا رہی مہم کے تحت بدھ کی رات الل پٹی محلہ میں منڈل ٹولہ میں کھوجی کتا ہنٹر کی مدد سے ایک مکان پر چھاپے ماری کی گئی۔ اس دوران موقع پر سے خاتون شراب اسمگلر سمیت چھ لوگوں کو گرفتار کیا گیا ہے۔ انہوں نے بتایا کہ ان کے پاس سے تیرہ بوتل انگریزی شراب اور چھ لیٹری دیسی شراب برآمد کی گئی ہے۔

بھانونے بتایا کہ سبھی کے پاس سے چار موبائل ضبط کیا گیا ہے۔ گرفتار لوگوں میں امریتا دیوی، مہیش منڈل، شیام کمار رام، سکندر کمار، متھن کمار رام اور پون کمار رام شامل ہیں۔ آگے کی کاروائی کی جا رہی ہے۔