پٹنہ:جے ڈی یو کی اہم میٹنگ پٹنہ میں وزیر اعلیٰ کی رہائش گاہ پر ہوئی۔ ذرائع کی مانیں تو پارٹی کی اعلیٰ قیادت یعنی نتیش کمار کے این ڈی اے سے باہر ہونے اور عظیم اتحاد میں شامل ہونے کی صورت میں بی جے پی کو 'بے نقاب' کرنے کا منصوبہ بنایا ہے۔ ذرائع نے بتایا ہے کہ جنتا دل (یونائیٹڈ) کی اعلیٰ قیادت کے پاس چھ سے زیادہ آڈیو ریکارڈنگ ہیں، جس سے یہ ثابت ہوتا ہے کہ اس کے اراکین اسمبلی اور وزراء کو وزیر اعلیٰ نتیش کمار کے خلاف بغاوت کرنے کے لیے کہا گیا تھا۔ حالانکہ یہ واضح نہیں ہے کہ جے ڈی (یو) ایم ایل ایز کو کس پارٹی اور لیڈروں نے پیشکش کی تھی۔ Bihar Political Crisis
راجیو رنجن سنگھ عرف للن سنگھ نے اتوار کو اپنے بیان کے دوران 'چراغ ماڈل' کی طرف اشارہ کیا تھا، جسے ایک خاص پارٹی نے نتیش کمار اور جے ڈی (یو) کو کمزور کرنے کے لیے استعمال کیا تھا، جس کی وجہ سے جے ڈی (یو) صرف 43 سیٹیں جیت سیٹیں جیتی تھیں۔ للن سنگھ نے دعویٰ کیا کہ ان کے پاس نتیش کمار اور جے ڈی یو کے خلاف سازش کے ثبوت ہیں۔ 'چراغ ماڈل' صرف ایک ٹریلر تھا، اصل فلم بہت لمبی ہے۔